The Last Hurrah (!!) (Stord JazzFest)
The Last Hurrah (!!) har hatt mange ulike besetningar sidan oppstarten i 2010. Blant artistar og musikarar som har vore innom, er Stein Inge Brækhus, Jon Irabagon, Nils Einar Vinjor, Maesa Pullman, John JT Thomas, David Vogt, Nora Yuyue Zheng, Mari Persen og Heidi Torsvik. Den konstante faktoren har vore Hans Petter Gundersen, som også er The Last Hurrah sin komponist. The Last Hurrah (!!) har gitt ut 4 album på Rune Grammofon, som alle har blitt hylla i norsk og internasjonal musikkpresse. Gruppa sitt siste album “Los Angeles” er innspeling av bestillingsverk til Vossajazz 2018. Nytt album er akkurat spelt inn og kjem ut på TBC Records i oktober 2023.
Helga 22. og 23. september skal Stord Jazzklubb arrangera Stord Jazzfest i lag med Stord Hotell. Her vil me saman skapa minneverdige stunder for musikkelskarar!
Jazzklubben sin intensjon er å presentera ei jazzig helg med flotte band både fredag og laurdag. Hotellet vil tilby ei helg med overnatting og spanande meny i flotte omgjevnader. Her vil det swinga og gynga gjennom heile helga, og ganen vil og kunna få nye og positive opplevingar.
Dagens besetning:
Petter Folkedal – vokal, gitar
Mari Persen – fiolin, vokal, gitar
Åse Britt Jakobsen – vokal, gitar, piano, perkusjon
Cecilie Leganger – piano, vokal
Stein Inge Brækhus – trommer
Andreas Nausdal – bass
Hans Petter Gundersen – gitar, steelgitar, vokal
