Home Eventarkiv Olga Konkova Trio/Per “The Bass Viking” Mathisen Trio (Stord Jazzfest)

Olga Konkova Trio/Per “The Bass Viking” Mathisen Trio (Stord Jazzfest)

Olga Konkova har gitt ut plata “OPEN SECRET” og Per Mathisen “GLADIATOR” hausten 2021. Begge platene har allereie fått fantastiske kritikkar frå inn og utland. Planen var å reisa på releasekonsert-turné i januar 2022, men på grunn av pandemien er denne konsertserien utsett til september 2022. No legg trioane ut på Noregsturne og skal vitja ei lang rekkje stader.

Olga Konkova er utvilsamt Noregs ukrona jazzpianistdronning. Ho er eit fyrverkeri på instrumentet sitt med ein utruleg dynamikk. Alt frå det stille og lyriske til overveldande tordenskrall kjem ut frå musikaliteten og fingrane hennar med største sjølvfølgje.

Med Per Mathisen på kontrabass og den engelske stjerne-trommisen Gary Husband, er trioen ikkje mindre enn i verdsklasse.

Per “BASS VIKING” Mathisen er Noregs svar på Jaco Pastorius på el-bass og Niels Henning Ørsted Pedersen på kontrabass. Per spelar med eit arsenal av lydar og instrument og har virtuose evner, på både den elektriske og den akustiske, som grensar til det uverkelege. Med Bodø sin aller største son på piano og synthesizarar, Jan Gunnar Hoff, og engelske Gary Husband på trommer, er bandet verkeleg ein “powerhouse”-trio av dei sjeldne.

Tre av dei fire musikarane har gjesta Stord Jazzklubb tidlegare, medan det no blir første høvet til å kunna få høyra Jan Gunnar Hoff, ein av dei finaste norske jazzpianistane, på klubben sin scene.

Denne konserten er ein del av Stord Jazzfest, ein minifestival som Stord Jazzklubb, i samarbeid med Stord Hotell, ønskjer skal bli eit årleg prosjekt i siste del av september. Klubben vil presentera ei jazzig helg med flotte band både fredag og laurdag, og hotellet vil tilby ei helg med overnatting og spanande meny i flotte omgjevnader. Her vil det swinga og gynga gjennom heile helga!

Olga Konkova Trio feat. Per Mathisen & Gary Husband:

Olga Konkova – piano

Per Mathisen – kontrabass

Gary Husband – trommer

Per “BASS VIKING” Mathisen Trio & Jan Gunnar Hoff & Gary Husband

Per Mathisen –  el- og akustisk bass.

Jan Gunnar Hoff  –  piano / synthesizer

Gary Husband – trommer

Dato

17.09.2022
Expired!

Tid

20:00 - 22:00

Meir info

Billettar

Stad

Stord Hotell
Kjøtteinsvegen 67, 5411 Stord
Nettsted
https://stord-hotell.no/

tlf 53 40 25 00

Arrangør

Stord Jazzklubb
Billettar