HIMMELJAZZ – Trygve Seim/Frode Haltli Duo
Falturiltu og Stord Jazzklubb inviterer til unike tonar på himmeltaket til Stord Hotell!
Trygve Seim og Frode Haltli gav i 2008 ut albumet ‘Yeraz’ på det tyske plateselskapet ECM. Utgjevinga var startskotet til eit framifrå musikalsk samarbeid og albumet fekk glitrande omtalar både i Noreg og i utlandet. På nyrået kjem dei med eit flunkande nytt duoalbum spelt inn i München med legendariske Manfred Eicher som produsent, så publikum kan venta seg ein føresmak på nye låtar.
Duoen Seim/Haltli har turnet på fleire store jazzfestivalar, mellom anna i USA, Nederland, Tyskland, Frankrike, Sveits, Østerrike og Storbritannia.
Trygve og Frode har òg stått for musikken til barneframsyninga «La casa dei divieti» av Dario Moretti, og var sentrale aktørar i Olav H. Hauge-framsyninga «Ein tanke slo meg her om dagen» på Litteraturhuset i Oslo.
Trygve Seim: Saksofonar
Frode Haltli: Trekkspel
Billettar kjøper du her: https://ebillett.no/stordkulturhus/79111
