Home Eventarkiv Workshop med Freedom Tree

Workshop med Freedom Tree

I samarbeid med musikklinja ved Stord vgs inviterer Stord Jazzklubb til spennande workshop for unge musikarar.

Tid og stad: Torsdag 17.11.2022 kl. 12.30 – 15.00 på Stord vidaregåande skule

Midt i november får Stord Jazzklubb besøk av FREEDOM TREE, ein multikulturell jazztrio som har oppnådd internasjonal popularitet for deira strålande framføringar av såkalla world music. Trioen, tidlegare kjende som «Freedom´s Trio», valde å gjera ei lettare namne-endring i 2021, og dei fall for namnet FREEDOM TREE, eit namn som gir rom for ei djupare tolking. Trioen gjesta Stord Jazzklubb våren 2019 og fekk då utruleg god respons hos publikum.

Musikarane i bandet er gitarist Steinar Aadnekvam, opprinneleg frå Bergen, perkusjonist/trommeslagar Deodato Siquir frå Mosambik og elbassist Rubem Farias som vaks opp i Brasil. Alle tre brukar og stemma si på ein del av musikken dei serverer. Trioen har sin base i Stockholm.

Torsdag 17. november arrangerer SJK, i samarbeid med musikklinja ved Stord vgs, ein WORKSHOP som er open for alle unge musikarar/musikantar og elevar/studentar. Ein treng ikkje vera aktiv deltakar for å kunna ta plass i salen.  Det er inga påmeldingsavgift. Dei som er aktive deltakarar på workshopen, går gratis inn på konserten som Stord Jazzklubb arrangerer med FREEDOM TREE på Stord Hotell laurdag 19. november kl. 20.00.

Program for workshop med Freedom Tree:

 12.30 – 13.15:  Minikonsert ved Freedom Tree

Afrikanske og afro-brasilianske rytmar og melodiar. Korleis profesjonelle musikarar arbeider med musikken dei formidlar.

13.15 – 14.00:  Sammusisering med påmelde deltakarar som førebur ein låt eller to. Tilhøyrarar i salen . Dialog.

14.00 – 15.00: Aktiv musisering Workshop i tre grupper etter instrument:  Gitar, bassog trommer/perkusjon,  pluss ev. vokal i kvar gruppe. Aktiv musisering med grunnlag i utleverte melodiar/tema. Tilhøyrarar vel gruppe.

Ved påmelding får deltakarane utlevert/tilsendt notar til eit par korte melodiar/tema.

Påmelding: 

Til Stord Jazzklubb:  kontakt@stordjazzklubb.no  (ev. SMS til 9303 8877 – Olav Fjell)

            Elevar ved Stord vgs kan melda seg på hos Einar Steinkopf.

            Studentar ved HVL kan melda seg på hos Åsmund Espeland.

            Elevar på kulturskulen kan melda seg på hos rektor Gareth Whittaker.

Påmeldingsfrist: 16. november

Bli med på workshop og konsert og få eit inspirasjonsløft!

Dato

17.11.2022
Expired!

Tid

12:30 - 15:00

Meir info

Billettar

Stad

Stord Vidaregåande Skule
Auditoriet

Arrangør

Stord Jazzklubb
Billettar